२७ चैत, काठमाडौं । ईलेक्ट्रोनिक्स ब्राण्ड एलजीले नयाँ वर्षलाई लक्षित गर्दै एलजी डूएल कूल एयर कण्डिस्नर (एसी) नेपाली बजारमा ल्याएको छ । यस नयाँ एसी मा डूएल ईन्भर्टर कम्प्रेसरका साथै १० वर्षसम्मको वारेन्टी रहेको कम्पनीले जनाएको छ ।
यसले ७० प्रतिशतसम्म विजुली बचत गर्ने कम्पनीको दाबी छ । साथै यो एसीले ८० प्रतिशत छिटो चिसो पार्ने कम्पनीको भनाइ छ ।
‘एलजीको एसी प्रयोग गर्दा वार्षिक ३२ हजारसम्मको बचत पनि गर्न सकिने छ’, कम्पनीले जारी गरेको विज्ञप्तिमा भनिएको छ ।
एलजी डूएल कूल एयर कण्डिस्नर (एसी) सबै मौसमका लागि उपयोगी हुने कम्पनीले जनाएको छ । नेपालका लागि एलजीको आधिकारित बिक्रेता चौधरी ग्रुपअन्तर्गतको सिजी इम्पेक्स प्रालि रहेको छ ।