काठमाडौं । मेक्सम खाती र मेलिना राईको स्वरमा सजिएको ‘तिम्रो रुपैको जादु’ गीत सार्वजनिक भएको छ । गीतलाई मेक्सम खातीको अफिसियल युट्युब च्यानलबाट सोमबार रिलिज गरिएको छ ।
म्युजिक भिडियोमा स्नेहा पौडेल र मेक्सिम खाती आफैंले अभिनय गरेका छन् ।
कुमार पौडेलले लेखेको गीतमा नरेश खातीको संगीत छ । गीतको एरेञ्ज कमल सौराग र मिक्सिङ किशोर थापाले गरेका छन् । शंकल भुजेलको छायांकनलाई बनिश शाहले सम्पादन गरेका छन् ।
आधुनिक, लोक तथा दोहोरी गीतमा संगीत गर्दै आएका नरेश खातीले यसपटक फरक शैलीको गीत बनाएको बताएका छन् । ‘उनले भने, ‘यस पटक अलि फरक शैलीमा गीत बनाएको छु । प्रतिक्रिया पनि राम्रो पाइरहेको छु ।’
