५ जेठ, काठमाडौं । श्रीलंकामा भएको शृङखलाबद्ध विस्फोटमा मृत्यु भएकाहरुको सम्झनामा नेपालीहरु समुदायले दीप प्रज्वलन गरेका छन् ।
विस्फोट भएको मध्ये कोलम्बोको कोच्चिकाडेमा रहेको एसटी.एन्थनी चर्चमै नेपाली समुदायले आइतबार दीप प्रज्वलन गरेका हुन् ।
‘हामी यस कठिन परिस्थितिमा श्रीलंकाका नागरिकको साथमा छौं’ भन्ने श्लोगनका साथ नेपाली विद्यार्थी समाज श्रीलंकाको अगुवाइमा दीप प्रज्वलन गरिएको कार्यक्रमका सचिव अजय कार्कीले जानकारी दिए ।
गत वैशाख ८ गते इसाई धर्मावलम्बीहरुले इस्टर पर्व मनाइरहेका बेला विभिन्न चर्च र होटलहरुमा शृङखलाबद्ध बम विस्फोट भएको थियो । विष्फोटमा करिब ३०० जनाको मृत्यु भएको थियो ।