६ असार, काठमाडौं । अन्तर्राष्ट्रिय योग दिवसका अवसरमा सरकारका तर्फबाट विशेष कार्यक्रम गरिएको छ ।
शिक्षा, विज्ञान तथा प्रविधि मन्त्रालयले गठन गरेको अन्तर्राष्ट्रिय योग दिवस मूल समारोह समितिको आयोजनामा काठमाडौंमा प्रभातफेरि र योग अभ्यास कार्यक्रम गरिएको थियो ।
राष्ट्रियसभा गृहमा आयोजित कार्यक्रममा सहभागी बालबालिकादेखि वृद्धसम्मले विभिन्न योग आसन देखाए । कार्यक्रममा प्रधानमन्त्री ओलीले लोभ, मोह र क्रोधबाट मानिसले मुक्त हुनका लागि योग र नियमित ध्यान गर्नु उपयुक्त हुने बताए ।
