![](https://www.onlinekhabar.com/wp-content/uploads/2019/04/Netra-Bikram-Chand-Biplab.jpg)
६ असार, काठमाडौं । प्रतिबन्धित नेत्रविक्रम चन्द नेतृत्वको विप्लव समूहले कार्यकर्ता ‘हत्या’को विरोधमा आन्दोलन घोषणा गरेको छ ।
सरकारले लुटको राज्य लम्ब्याउने बदनियतले मुठभेडका नाममा दैनिक निःशस्त्र कार्यकर्तालाई नियन्त्रणमा लिँदै हत्या गरेको दाबीसहित आन्दोलनको कार्यक्रम घोषणा गरेको हो ।
पार्टीका महासचिव विप्लवले जारी गरेको विज्ञप्तिमा भनिएको छ, ‘फासिवादी सरकारको बर्बरतापूर्ण हत्याविरुद्ध संघर्षका कार्यक्रम घोषणा गर्दछौं ।’
विप्लवले असार ७ गते प्रचारप्रसार, ८ गते कोणसभा र घरदैलो, ९ गते मसाल जुलुस र १० गते नेपाल बन्द गर्ने बताएका छन् ।
बिहीबार सर्लाहीमा प्रहरीसँग भएको मुठभेडमा परेर जिल्ला इञ्चार्ज कुमार पौडेलको मृत्यु भएको थियो । प्रहरीले दोहोरो मुठभेड भएको बताए पनि विप्लव समूहले भने बाटो ढुकेर पौडेलको हत्या भएको दाबी गरेको थियो ।
घटनाबारे मानव अधिकार आयोगले पनि छानविन थालेको छ ।
हेर्नुस् विज्ञप्ति
प्रतिक्रिया 4