काठमाडौं । विश्वकप क्रिकेटमा अफगानिस्तानले पाकिस्तानलाई २२८ रनको लक्ष्य दिएको छ । पाकिस्तानले केहीबेरमा जवाफी ब्याटिङ गर्दैछ ।
लिड्समा टस जितेर ब्याटिङ थालेको अफगानिस्तानले निर्धारित ५० ओभरमा ९ विकेट गुमाएर २२७ रन बनायो । उसको सुरुवात राम्रो रहेन । ५७ रन जोड्दा ३ विकेट गुमायो ।
चौथो विकेटका लागि आक्रम अलिखिल र अस्गर अफगानले ६४ रनको साझेदारी गरे । यो अफगानको पारीमा सबैभन्दा ठूलो साझेदारी हुनपुग्यो । अफगानले ४२ रन बनाए । नजिबुल्लाह जादरनले पनि ४२ रनको पारी खेले ।
पाकिस्तानका शाहीन शाह अफ्रिदीले ४ विकेट लिएका छन् ।
