२०७६ असार १९ गते ६:५९ 
१९ असार, काठमाडौं । नेदरल्यान्ड्स महिला विश्वकप फुटबलको फाइनलमा प्रवेश गरेको छ । अब नेदरल्यान्ड्सले उपाधिका लागि आइतबार अमेरिकासँग खेल्नेछ ।
बुधबार राति भएको खेलमा स्वीडेनलाई १-० गोलको कठिन जित निकाल्दै नेदरल्यान्ड्स विश्वकप महिला फुटबलको फाइनलमा प्रवेश गरेको हो । नेदरल्यान्ड्सकी ज्याकी ग्रोइनले गोल गरिन् ।
निर्धारित ९० मिनेटसम्ममा दुवै टिमले गोलरहित बराबरी खेलेपछि ३० मिनेटको समय थप गरिएको थियो । ९९ औं मिनेटमा ग्रोइनले गोल गर्दै नेदरल्यान्ड्सलाई अग्रता दिलाएकी थिइन् । बाँकी समयमा दुवै टिमले गोल गर्न नसकेपछि नेदरल्यान्ड्सले जित हात पार्दै फाइनलमा प्रवेश गरेको हो ।
प्रतिक्रिया 4