१९ असार, पोखरा । प्रदेश सरकारले पोखरा क्रिकेट मैदानमा तत्काल पेभेलियन बनाउने भएको छ ।
बिहीबार मुख्यमन्त्री पृथ्वी सुब्बा गुरुङ, भौतिक पूर्वाधार विकासमन्त्री रामशरण बजगाईं र पोखरा प्रिमियर लिगको आयोजक क्विन्स इभेन्ट म्यानेजमेन्का प्रतिनिधि तथा राष्ट्रिय क्रिकेट टिमका कप्तान पारस खड्का लगायतले मैदानको अवलोकवन गरेका थिए ।
त्यसक्रममा मुख्यमन्त्री गुरुङले मैदानको मर्मतसम्भाव र पेभेलियन निर्माणलाई पहिलो प्राथमिकता दिइने बताए ।
प्रदेशसभा सदस्य दीपक कोइराला भन्छन्, ‘पोखरा प्रिमियर लिग अगाडि तयार हुने गरी काम थाल्न आग्रह गरेका छौं । यसमा मुख्यमन्त्री निकै सकारात्मक हुनुहुन्छ ।’
गण्डकी प्रदेश सरकारले आर्थिक वर्ष २०७६/७७ को बजेटमा क्रिकेट रंगशालाका लागि २ करोड बजेट छुट्याएको छ ।