८ साउन, काठमाडौं । टी-२० वर्ल्डकप एसिया फाइनलमा नेपाल र मलेसियाको खेल ९ ओभरमा झारिएको छ । टस हुनु अगाडि नै लगातार वर्षा भएपछि खेल ढिला गरी सुरु भयो, जसमा नेपालमा टस जितेर फिल्डिङ रोजेको छ ।
ब्याटिङको निम्तो पाएको मलेसियाले पहिलो ओभरमा नै दुई विकेट गुमाएको छ ।
यो समाचार तयार पार्दासम्म उसले एक ओभरमा दुई विकेट गुमाएर नौ रन बनाएको छ ।
आज कप्तान पारस खड्का प्लेइङ इलाभेनमा छ्रैनन् । कतारविरुद्धको खेलमा ढाड दुख्ने समस्या आएपछि उनले दोस्रो इनिङ खेलेका थिएनन् । उनको स्थानमा रोहित कुमार पौडेल आएका छन् ।
यस्तै कतारविरुद्ध खेलेका ललितनारायण राजवंशीलाई बेन्चमा राखेर ब्याट्सम्यान प्रदीप ऐरीलाई खेलाइएको छ ।