काठमाडौं । रोमेलु लुकाकाबारे इन्टर मिलान र म्यानचेष्टर युनाइटेड सहमतिमा पुगेका छन् । यसले लुकाकुको मूल्य ८० मिलियन युरो पुग्नसक्छ ।
जुलाईमा युनाइटेडले इन्टरको ५४ मिलियन पाउण्डको प्रस्ताव अस्वीकार गरेको थियो । अहिले पनि उनलाई भित्र्याउन इन्टरसँग युभेन्टस पनि इच्छुक थियो ।
पाउलो डिबाला युनाइटेड जाने र लुकाकु युभेन्टस आउने गरी दुई क्लबबीच छलफल पनि भएको थियो । तर अब इन्टर मिलानले बाजी मार्ने देखिएको छ ।
लुकाकु २०१७ मा इभर्टनबाट युनाइटेड गएका थिए । त्यसबेला उनी लिगमा ८० गोल गर्ने चार खेलाडी मध्ये भएका थिए । डेब्यू सिजनमा नै उनी २५ वा सोभन्दा बढी गोल गर्ने युनाटेडका ११ खेलाडी मध्ये एक भए ।
उनले क्लबका लागि ९६ खेलमा ४२ गोल गरेका छन् ।