३ भदौ, काठमाडौं । नेपाल वायुसेवा निगम (एनएसी)ले भदौ १२ गतेदेखि जापानमा गरिने हवाई उडानको तयारी पूरा गरेको छ ।
मंगलबार आयोजित पत्रकार सम्मेलनमा निगमका कार्यकारी अध्यक्ष मदन खरेलले अधिकतम आधा लोड पूरा गरेर उडाउने प्रयास भइरहेको बताए ।
सेप्टेम्बर महिनाभर निगमको जापान उडान घाटामा उड्ने र त्यसपछि मात्र क्रमश यात्रु सङ्ख्या बढ्ने उनको अनुमान छ ।
पहिलो उडानका लागि मंगलबारसम्म करिब ९० सिट भरिएको निगमले जानकारी दिएको छ । मुख्य सिजनमा जापानमा अधिकतम ८५ प्रतिशत सम्म सिट भरिने अपेक्षा निगमको रहेको छ । यस रुटमा निगमले वाइडबडी जहाज उडाउदैछ ।
