२०७६ भदौ ५ गते १५:४० 
५ भदौ, काठमाडौं । सन् २०२२ मा इंग्ल्यान्डमा आयोजना हुने कमनवेल्थ खेलकुदमा महिला क्रिकेटलाई समावेश गरिएको छ ।
कमनवेल्थ खेलकुद महासंघले बिहीबार प्रेस विज्ञप्ति जारी गर्दै महिला क्रिकेटलाई समावेश गरिएको जानकारी दिएको छ ।
अन्तर्राष्ट्रिय क्रिकेट परिषद् (आईसीसी) र इंग्ल्यान्ड र वेल्स क्रिकेट बोर्डले क्रिकेटलाई पनि समावेश गर्न कमनवेल्थ खेलकुद महासंघलाई आग्रह गर्दै आएका थिए ।
योसँगै इतिहासमै पहिलो पटक महिला क्रिकेटलाई कमनवेल्थ खेलकुदमा समावेश गरिएको हो ।
यसअघि सन् १९९८ मा मलेसियामा भएको कमनवेल्थ गेम्समा पुरुष क्रिकेटलाई समावेश गरिएको थियो । टी-२० फम्र्याटमा हुने प्रतियोगितामा आठ टिमले प्रतिस्पर्धा गर्नेछ ।
प्रतिक्रिया 4