२०७६ भदौ १३ गते १९:२५ 
१३ भदौ, काठमाडौं । साफ यू–१५ च्याम्पियनसिप फुटबलको उपाधिका लागि भोलि नेपालले फाइनलमा आयोजक भारतसँग प्रतिस्पर्धा गर्दैछ ।
खेल नेपाली समयअनुसार पाँच बजेर १५ मिनेटमा सुरु हुनेछ ।
नेपाल बिहीबार भुटानलाई ६–० ले पराजित गर्दै फाइनलमा प्रवेश गरेको थियो । भारतले बंगलादेशलाई ४–० गोलअन्तरले पराजित गर्दै फाइनल पुगेको हो ।
राउण्ड रोविनको आधारमा सञ्चालन भएको प्रतियोगिताबाट बंगलादेश, श्रीलंका र भुटानभने समूह चरणबाटै बाहिरिएका थिए ।
लिग चरणमा भएको आफ्नो हारको बदला लिने नेपाललाई राम्रो मौका मिलेको छ । नेपालले आफ्नो पहिलो खेलमा भारतसँग ५–० गोलअन्तरको हार ब्यहोरेको थियो । भारतलाई पराजित गर्दै नेपाल उपाधि रक्षा गर्न चाहन्छ । तर भारत भने आफ्नै घरेलु मैदानमा उपाधि जित्ने रणनीतिमा छ ।
प्रतिक्रिया 4