१७ भदौ, रुकुम । श्रीमतीलाई धारिलो हतियार खुर्पा प्रहार गरी हत्या गरेको अभियोगमा प्रहरीले मुसिकोटको गोगनपानीबाट एक जनालाई नियन्त्रणमा लिएको छ ।
आफ्नै २६ वर्षीया श्रीमती कमला बुढाथोकी खड्काको हत्या गरेको अभियोगमा मुसिकोट नगरपालिका-३ गोगनपानीका २८ वर्षीय नविन खड्कालाई सोमबारराति प्रहरीले पक्राउ गरेको हो ।
खड्काले खुर्पा प्रहार गर्दा कमलाको घटनास्थलमै मृत्यु भएको प्रहरीले जनाएको छ । खड्कालाई नियन्त्रणमा राखेर घटनाबारे थप अनुसन्धान भइरहेको प्रहरीले जनाएको छ ।
