काठमाडौं । बेलायतका प्रधानमन्त्री बोरिस जोनसनका भाइ जो जोनसनले सांसद र मन्त्री पदबाट राजीनामा दिएका छन् ।
आफू परिवारप्रतिको वफादारी र राष्ट्रिय हित के छान्ने भन्न्ने दोधारमा परेको र यो समाधान नहुने तनाव भएको भन्दै उनले राजीनामाको घोषणा गरेका हुन् ।
सन् २०१६ मा जोनसनले युरोपीयन युनियनमा बस्नुपर्ने पक्षमा मतदान गरेका थिए भने उनका दाइले ईयू छाड्नुपर्ने अभियानको अगुवाई गरेका थिए ।
जो जोनसनको यो कदम महत्वपूर्ण मानिएको छ । उनी बेक्जिटको विपक्षमा मतदान गर्ने २१ सांसदलाई निस्कासित गर्ने प्रधानमन्त्री जोनसनको निर्णयप्रति सन्तुष्ट थिएनन् ।
