२०७६ भदौ २० गते १५:५४ 
२० भदौ, काठमाडौं । बंगलादेशले एसीसी यू–१९ एसिया कप क्रिकेटमा विजयी सुरुवात गरेको छ ।
श्रीलंकामा जारी यू–१९ एसिया कपमा शुक्रबार भएको पहिलो खेलमा यूएईलाई ६ विकेटले पराजित गरेको हो । १२८ रनको सामान्य चुनौती पछ्याउँदै ब्याटिङ गरेको बंगलादेशले २१.३ ओभरमा चार विकेटको क्षतिमा लक्ष्य भेटायो ।
बंगालेशका लागि तान्जिद हसनले ४५ रन बनाए । त्यस्तै, प्रविन हुसेन इमनले ३० रन बनाए । यसअघि टस हारेर पहिले ब्याटिङ गरेको युएईले खराब प्रदर्शन गर्दै २८ ओभरमा सबै विकेटको क्षतिमा १२७ रन बनाएको थियो ।
पानी परेको कारण ढिलो गरी सुरु भएको खेल ४५ ओभरमा छोट्याइएको थियो । २७ रन हुदा पाँच विकेट गुमाएको युएईका लागि ओसामा हसनले ५८ र अलिसन शराफुले ३४ रन बनाउन बाहेक अन्य खेलाडीले दोहोरो अंक पनि बटुल्न सकेनन् ।
प्रतिक्रिया 4