२०७६ असोज ९ गते १९:३१ 
९ असोज, काठमाडौं । राजुकाजी शाक्य न्यु रोड टिम (एनआरटी) क्लबका मुख्य प्रशिक्षकको भूमिकामा देखिने भएका छन् ।
आगामी मंसिर २८ गतेबाट सुरु हुने शहीद स्मारक ए डिभिजन लिग फुटबलका लागि शाक्य एनआरटीका मुख्य प्रशिक्षकमा नियुक्त हुन आँटेका हुन् । एनआरटी क्लब र आफूबीच सहमति भइसके पनि अब लिखित रुपमा मात्रै सहमति हुन बाँकी रहेको प्रशिक्षक शाक्यले बताए ।
उनले भने, ‘क्लब र म बीचमा अब लिखित सहमति हुन बाँकी छ । सहमति पछि क्लबलाई कसरी राम्रो गर्न सकिन्छ भन्ने एउटा योजना बनाएर अघि बढ्छौं ।’
गत वर्षको ए डिभिजन लिग हुँदा भने उनी च्यासल युथ क्लबका मुख्य प्रशिक्षक भएका थिए । पहिलो पटक ए डिभिजन लिगमा उक्लिएको च्यासललाई प्रशिक्षक शाक्यले आठौ स्थानमा पुर्याएका थिए ।
प्रतिक्रिया 4