२०७६ मंसिर १ गते ११:२७ 
काठमाडौं । करिम बेन्जिमा विश्व फुटबलका घातक स्ट्राइकरमध्ये एक हुन् । उनले स्पेनिस जाइन्ट रियल मड्रिडका लागि हरेक सिजन उत्कृष्ट प्रदर्शन गर्दै आएका छन् । तर २०१५ पछि फ्रान्सका लागि खेल्न पाएका छैनन् ।
टिममेट म्याथुको ‘सेक्स टेप’मा ब्लाकमेडिङ गरेको आरोप लागेपछि फ्रान्सले उनलाई खेलाएको छैन ।
उनले २०१६ को युरोकप गुमाए । २०१८ मा फ्रान्सले विश्वकपको उपाधि उचाल्दा पनि उनी टिममा रहेनन् ।
लामो समयसम्म टिममा नराखेपछि उनले मौनता तोडेका छन् र अर्को देशका लागि खेल्न दिन माग गरेका छन् । उनले ट्विटरमा भनेका छन्– यदि तिमीलाई म सक्किए भन्ने लाग्छ भने मलाई अर्को देशका लागि खेल्न देऊ ।’
३१ वर्षीय बेन्जिमाले अल्जेरियाबाट खेल्न सक्छन्, जुन उनका आमा–बुवाको जन्म देश हो ।
तर फिफाको नियमानुसार यो सजिलो पनि छैन ।
फ्रान्स फुटबल महासंघले उनलाई फेरि टिममा बोलाउने सम्भावना पनि नरहेको बताएको छ ।
उनी राम्रो खेलाडी भएको र रियल मड्रिडमा उनले त्यसलाई सावित गरिसकेको भन्दै अध्यक्ष नोएल ले ग्राटले भने, ‘तर फ्रान्सको राष्ट्रिय टिममा उनको यात्रा सकिसक्यो ।’
प्रतिक्रिया 4