२०७६ मंसिर ८ गते १७:५३ 
८ मंसिर, काठमाडौं । भारतले कोलकाता टेष्टमा बंगलादेशलाई इनिङ र ४६ रनले हराएको छ । जितसँगै भारतले सिरिज २–० ले आफ्नो पक्षमा पारेको छ ।
साथै भारत लगातार चार टेष्ट इनिङको अन्तरले जित्ने पहिलो टिम बनेको छ ।
भारतले यसअघि दक्षिण अफ्रिकालाई पुणेमा इनिङ र १३७ र राँचीमा इनिङ र २०२ रनले हराएको थियो भने इन्दौरमा बंगलादेशलाई इनिङ र १३० रनले पराजित गरेको थियो ।
यो म्याच भारतको पिंक बलमा पहिलो टेष्ट थियो । र, यो टेष्ट फास्ट बलरको नाममा रह्यो । इशान्त शर्माले पहिलो इनिङमा ५ विकेट लिए भने दोस्रोमा चार ।
पहिलो इनिङमा ३ विकेट लिएका उमेश यादवले दोस्रो पारीमा ५ विकेट आफ्ना नाममा लेखाए ।
तर स्पिनरले एउटा पनि विकेट लिन सकेनन् ।
फास्ट बलरहरु चर्किएसँगै भारतले तेस्रो दिनको पहिलो सत्रमै बंगलादेशको पुरै टिमलाई पभेलियन पठायो । ६ विकेटको क्षतिमा बनाएको १५२ रनबाट आइतबार दिनको खेल थालेको उसले थप ४३ रन जोड्दा बाँकी विकेट गुमायो । उसका मुस्फिकर रहिमले ७४ रन बनाए भने महमूलुल्लाहले ३९ रन जोडे ।
यसअघि बंगलादेश पहिलो इनिङमा १०६ रनमा अलआउट भएको थियो भने भारतले कप्तान विराट कोहलीको १३६ रनको मदतमा ३४७ बनाएर इनिङ अन्त्य गरेको थियो ।
प्रतिक्रिया 4