Comments Add Comment

चतरा आश्रमका ‘सिद्धबाबा’ प्रहरी निगरानीमा, बलात्कारको उजुरी दर्ता

१३ मंसिर, काठमाडौं । सुनसरी चतरा आश्रममा बस्ने सिद्धबाबा भनिने कृष्णदास गिरीलाई प्रहरीले निगरानीमा राखेको छ ।

आफ्नै अनुयायी महिलामाथि बलात्कार गरेको अभियोगमा जिल्ला प्रहरी कार्यालय, सुनसरीमा जाहेरी दर्ता भएपछि उनलाई निगरानीमा राखिएको हो ।

पीडित महिलाले ४ कात्तिकमा गिरीले आफूमाथि बलात्कार आरोप लगाएकी छन् । यसअघि प्रहरीले जाहेरी लिन मानेको थिएन । तर, पीडित महिला काठमाडौं प्रहरी परिसर, टेकु र केन्द्रीय अनुसन्धान ब्युरो (सीआईबी) सम्म पुगेकी थिइन् । सीआईबीले उनको स्वास्थ्य परीक्षण गराएर फाइल सुनसरी पठाइदिएको थियो ।

त्यसपछि शुक्रबार जाहेरी दर्ता भएको छ । सुनसरीका प्रहरी प्रमुख यज्ञविनोद पोखरेलले गिरीविरुद्ध किटानी जाहेरी परेको स्वीकारे । उनले अनलाइनखबरसँग भने, ‘हामी अनुसन्धान गरिरहेका छौं ।’

जिल्ला अदालत, सुनसरीका एक अधिकारीले गिरीविरुद्ध पक्राउ पूर्जी पनि जारी भइसकेको बताए । तर, त्यसअघि नै उनले जाहेरी दिने महिलाविरुद्ध पनि सार्वजनिक गाली बेइज्जतीको मुद्दा दायर गरेको ती अधिकारीले जनाए ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment