+
+

महिला भलिबलमा इतिहास रच्न चुक्यो नेपाल

अनलाइनखबर अनलाइनखबर
२०७६ मंसिर १७ गते १८:२४

काठमाडौं । नेपालले १३औं सागको महिला भलिबलमा स्वर्ण जित्नबाट चुकेको छ । मंगलबार भएको निकै रोमाञ्चक खेलमा भारतले नेपाललाई ३-२ को सेटमा हराएको हो ।

पहिलो पटक सागमा फाइनलमा पुगेको महिला भलिबल टोलीको हौसला बढाउन उपपराष्टपति नन्दबहादुर पुन, युवा तथा खेलकुदमन्त्री जगतबहादुर विश्वकर्मा आफैं त्रिपुरेश्वरस्थित कभर्ड हलमा पुगेका थिए ।

दर्शकहरुको पनि राम्रो समर्थन रहृयो ।

खेलको पहिलो सेट भारत २५-१७ ले जितेको थियो । तर नेपालले उत्कृष्ट पुनरागमन गर्दै दोस्रो सेट २५-२४ र तेस्रो सेट २५-२१ ले जित निकाल्न सफल भयो ।

प्रतिस्पर्धात्मक चौथो सेट भने भारतको पक्षमा रहृयो । उसले २५-२०ले जित्यो र अन्तिम सेटबाट स्वर्णको छिनोफोनो हुने भयो ।

तर त्यो सेटमा नेपालले अपेक्षाकृत राम्रो प्रदर्शन गर्न सकेन र १५-६ को हार व्यहोर्‍यो ।

यद्यपि रजत सागमा नेपालले महिला भलिबलमा पाएको सबैभन्दा ठूलो पदक हो । यसअघि नेपालले तीन पटक काश्य जितेको थियो । नेपालले सन् १९९९, २००६ र २०१६ मा कास्य जितेकाे थियाे ।

खेलका क्रममा देखिएका केही दृश्यः

लगातार दुई सेट जितेर खेलमा पुनरागमन गर्दा उपराष्ट्रपति, मन्त्री लगायतका विशिष्ट पाहुनाहरुले उभिएर खुसी ताली बजाउँदै नेपाली टोलीको हौसला बढाएका थिए ।

सागमा स्वर्ण जितेर इतिहास रच्ने अवसरबाट चुक्दा प्रशिक्षक र खेलाडी निकै निराश थिए । उनीहरुले आशु लुकाउन सकेनन् ।
रजत पदक विजेता नेपाली महिला भलिबल टिम । यसअघि नेपालले तीन पटक काश्य जितेको थियो ।

तस्वीरः विकास श्रेष्ठ/अनलाइनखबर

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?