२६ मंसिर, काठमाडौं । इटालियन क्लब नापोलीले जेनारो गाटुसोलाई मुख्य प्रशिक्षक नियुक्त गरेको छ ।
टिम च्याम्पियन्स लिगको नकआउट चरणमा पुगेलगतै नापोलीले प्रशिक्षक कार्लो एन्सेलोटीलाई बर्खास्त गरेको थियो ।
४१ वर्षीय गाटुसोले भने गत सिजनको अन्त्यमा एसी मिलान छाडेर बसेका थिए । गाटुसोले एक समय एसी मिलानमा एन्सेलोटीको मातहतमा खेलेका थिए । अहिले नापोलीको प्रशिक्षकमा उनकै ठाउँ लिएका उनी भन्छन्, ‘उनी मेरो बुवा समान हुन् । म सधैं उनी नजिक छु र सहयोग पनि गर्नुहुन्छ ।’
नोपालीको प्रशिक्षक नियुक्त भएपछि उनले शीर्ष चार पर्नका लागि कडा मेहनत गर्नुपर्ने बताएका छन् ।
नोपाली सिरी ए को सातौं स्थानमा छ ।
