२६ मंसिर, काठमाडौं । १३ औं दक्षिण एसियाली खेलकुद प्रतियोगिता (साग) मा पदक जित्ने सुदूरपश्चिम प्रदेशका खेलाडीलाई प्रदेश सरकारले नगद पुरस्कारसहित सम्मान गर्ने भएको छ ।
मुख्यमन्त्री त्रिलोचन भट्टले १३ औ सागमा पदक जित्ने सुदूरपश्चिम प्रदेशका खेलाडीलाई नगदसहित सम्मान गर्ने घोषणा गरेका हुन् । स्वर्ण पदक विजेता खेलाडीलाई जनही १ लाख, रजत पदक विजेतालाई ५० हजार र कांस्य पदक विजेतालाई ३० हजार दिने घोषणा गरेको मुख्यमन्त्रीका प्रमुख स्वकिय सचिव शिवसिंह ओलीले जानकारी दिए ।
‘खेलाडीको उत्प्रेरणा बढाउने उद्देश्यले मुख्यमन्त्रीज्यूले घोषणा गर्नुभएको हो’ उनले भने, ‘सबै प्रक्रिया पूरा गरेर सामाजिक विकास मन्त्रालयबाट रकम हस्तान्तरण गरिने छ ।’
