३ पुस, काठमाडौं । कतार एयरवेज शहीद स्मारक ए डिभिजन लिग २०७६ को पहिलो चरणका ७ खेल सकिएका छन् । मंसिर २८ गतेबाट शुरु भएको लिगमा ए डिभिजनका १४ क्लबले प्रतिस्पर्धा गरिरहेका छन् ।
अखिल नेपाल फुटबल संघ (एन्फा) ले यस सिजन लिग त्रिपुरेश्वरस्थित दशरथ रंगशालमा पनि आयोजना गरेको छ । सथै सातदोबाटोस्थित एन्फा कम्प्लेक्समा पनि लिग भइरहेको छ ।
दशरथ रंगशाला पुनर्निर्माणपछि पहिलो पटक रंगशालमा लिग फर्किएको हो ।
पहिलो चरणमा सात खेल हुँदा ५ खेलमा हारजितको नतिजा आएको थियो । दुई खेल भने गोलरहित बराबरीमा सकिए ।
यस सिजन लिगमा रेलिगेसनको प्रावधान छ र पुछारमा रहने एक क्लब रेलिगेनसमा पर्नेछ । गत सिजन रेलिगेसन नहुँदा अन्तिम दुई स्थानमा रहेका क्लबले पहिलो चरणमै ऋणात्मक अंक समेत तिरेको छ ।
१३ औं मा रहेको मछिन्द्र क्लबले १ र १४ औं स्थानमा रहेको एनआरटीले २ अंक ऋण तिरेको हो । दुवै क्लबले पहिलो चरणमा क्लिनसिट राख्दै जित हात पारेको हो । दुई क्लबले ऋण अंक तिरेपछि पहिलो चरणमा स्पष्ट ३ अंक जोड्नेमा ३ टिम मात्र रहेका छन् । साविक विजेता मनाङ मर्स्याङ्दीसंगै च्यासल र आर्मीले ३ अंक जोडेका छन् ।
यस्तै साविक विजेता मनाङ मर्स्याङदी क्लबले पनि जितबाट उपाधि रक्षा अभियान शुरु गरेको छ । तर पूर्वच्याम्पियन नेपाल पुलिस क्लब र थ्री स्टार क्लबले भने पहिलो चरणमा गोलरहित बराबरीमा चित्त बुझाउनुपर्यो । साविक उपविजेता संकटा भने यस सिजन पहिलो खेलमै च्यासल युथ क्लबसंग पराजित भयो ।
पुलिस हिमालयन शेर्पा क्लबसंग तथा थ्रीस्टार क्लब जाउलाखेल युथ क्लबसंग बराबरीमा रोकिएको हो ।
यस सिजन उपाधिको दाबेदार मानिएको त्रिभुवन आर्मी क्लबले फ्रेण्ड्सलाई हराउन संघर्ष गर्नुपर्यो । मछिन्द्र र एनआरटीसंगै च्यासल युथ क्लब र मनाङले भने गोल नखाई जित हात पारेको हो ।
पहिलो चरणको नतिजा
मछिन्द्र क्लब २-० ब्रिगेड ब्वाइज क्लब
त्रिभुवन आर्मी क्लब २-१ फ्रेण्ड्स क्लब
च्यासल युथ क्लब २-० संकटा क्लब
एनआरटी क्लब ४-० सरस्वती युथ क्लब
नेपाल पुलिस क्लब ०-० हिमालयन शेर्पा क्लब
थ्री स्टार क्लब ०-० जावलाखेल युथ क्लब
मनाङ मर्स्याङ्दी क्लब २-० एपीएफ
पहिलो चरण तथ्यांकमा
खेल : ७
जित/हात : ५
गोलरहित बराबरी : २
क्लिनसिट : ८
पहेँलो कार्ड : २०
रातो कार्ड : १ (दोहोरो पहेँलो कार्ड)
रातो कार्ड पाउने खेलाडी : लक्ष्मण रुचाल (संकटा क्लब)
कूल गोल : १३
गोल गर्ने खेलाडी : १०
सर्वाधिक गोलकर्ता
सन्तोष साहुखल, सरोज तामाङ, विमल राना : २ गोल
योगेश गुरुङ, दिपक राई, नवयुग श्रष्ठ, दिनेश हेन्जन, शक्ति राई, जुनिएर निकेनगुए, जोर्डन ओवाना : १ गोल
क्लिनसिट
विशाल श्रेष्ठ, सूर्य अधिकारी – मछिन्द्र
एलन न्यौपाने – च्यासल
अजित प्रजापति – एनआरटी
शत्रुघन चौधरी – नेपाल पुलिस
विनय श्रेष्ठ – हिमालयन शेर्पा
प्रिसो निएङ्गा – थ्री स्टार
टेकेन्द्र थापा – जावलाखेल
दिप कार्की – मनाङ
अंक तालिका
क्लब | खेल | जित | हार | बराबरी | गोल गरेको | गोल खाएको | गोल अन्तर | अंक | |
१ | मनाङ मर्स्याङदी केलब | १ | १ | ० | ० | २ | ० | २ | ३ |
२ | च्यासल युथ क्लब | १ | १ | ० | ० | २ | ० | २ | ३ |
३ | त्रिभुवन आर्मी क्लब | १ | १ | ० | ० | २ | १ | १ | ३ |
४ | मछिन्द्र क्लब | १ | १ | ० | ० | २ | ० | २ | २* |
५ | एनआरटी क्लब | १ | १ | ० | ० | ४ | ० | ४ | १** |
६ | थ्री स्टार क्लब | १ | ० | ० | १ | ० | ० | ० | १ |
७ | नेपाल पुलिस क्लब | १ | ० | ० | १ | ० | ० | ० | १ |
८ | हिमालयन शेर्पा क्लब | १ | ० | ० | १ | ० | ० | ० | १ |
९ | जावलाखेल युथ क्लब | १ | ० | ० | १ | ० | ० | ० | १ |
१० | फ्रेण्ड्स क्लब | १ | ० | १ | ० | १ | २ | -१ | ० |
११ | संकटा क्लब | १ | ० | १ | ० | ० | २ | -२ | ० |
१२ | एपीएफ क्लब | १ | ० | १ | ० | ० | २ | -२ | ० |
१३ | ब्रिगेड ब्वाइज क्लब | १ | ० | १ | ० | ० | २ | -२ | ० |
१४ | सरस्वती युथ क्लब | १ | ० | १ | ० | ० | ४ | -४ | ० |
*गत वर्ष पूछारबाट दोस्रो भएङ्को मछिन्द्रले १ अंक ऋण तिरेको छ ।
** गत वर्ष अन्तिम भएको एनबरटीले २ अंक ऋण तिरेको छ ।