४ पुस, काठमाडौं । प्रहरीले कन्सल्टेन्सीको नाममा ठगी गरेको आरोपमा एक जनालाई पक्राउ गरेको छ ।
पक्राउ पर्नेमा स्याङ्जाको पुतली बजार–२ का २७ वर्षीय रोहिन भनिने नेत्रबहादुर घर्ती छन् ।
उनलाई महानगरीय अपराध अनुसन्धान महाशाखा टेकुको टोलीले बिहीबार पक्राउ गरेको एसएसपी सहकुलबहादुर थापाले अनलाइनखबरलाई बताए ।
थापाका अनुसार उनले ओशो भिजन कन्सल्टेन्सी र हर्ट इन्टरनेश्नलको निर्देशक भएको बताएर वैदेशिक रोजगारमा जान खोज्ने व्यक्तिलाई ठगेको विषयमा उजुरी परेको थियो ।
त्यसम्बन्धमा विस्तृत अनुसन्धानका लागि महानगरीय प्रहरी परिसर टेकु पठाइएको थापाले बताए ।
