४ पुस, काठमाडौं । ब्रिगेड ब्वाईज क्बलले शहीद स्मारक ए डिभिजन लिगमा पहिलो जित हात पारेको छ ।
अन्तिम तीन मिनेटमा २ गोल गर्दै ब्रिगेडले फ्रेण्ड्सलाई २-० ले पराजित गरेको हो ।
दशरथ रंगशालामा भएको खेलमा ब्रिगेड ब्वाइजका लागि जय गुरुङले ८७ औं मिनेटमा पहिलो गोल गरे ।
इन्जुरी समयको पहिलो मिनेटमा रोसन राना मगरले गोल थपेपछि ब्रिगेड ब्वाइज २-० ले विजयी भयो ।
यसअघि पहिलो खेलमा ब्रिगेड ब्वाइज मछिन्द्रसंग पराजित भएको थियो ।
फ्रेन्डस क्लब भने यसअघि पहिलो खेलमा त्रिभुवन आर्मीसँग पराजित भएको थियो ।