८ पुस, विराटनगर । प्रदेश १ सरकारले सडक दुर्घटनाको कारण र न्युनीकरणको उपाय खोजीका लागि राय सुझाव संकलन गर्न प्रदेशस्तरीय कार्यदल गठन गरेको छ ।
आन्तरिक मामिला तथा कानून मन्त्रालयले उपसचिव कमलबहादुर थापाको संयोजकत्वमा १६ सदस्य कार्यदल गठन गरेको हो । कार्यदलले सडक दुर्घटना सम्बन्धी मुख्य समस्या पहिचान गर्ने र दुर्घटना न्युनीकरणको उपायका विषयमा प्रदेशभर सुझाव संकलन गरी सरकारलाई बुझाउनेछ ।
कार्यदललाई १० दिनको कार्यअवधि दिइएको छ । कार्यदलको सुझावका आधारमा तत्कालिन, मध्यकालीन र दीर्घकालीन योजना बनाएर सडक सुसाशन कायम गर्ने आन्तरिक मामिला तथा कानून मन्त्री हिक्मत कार्कीले जानकारी दिए ।
साउनयता प्रदेश १ मा ६ सय १६ सडक दुर्घटनामा परी १ सय ४९ जनाले ज्यान गुमाएका छन् ।
