नदी भन्ने बित्तिकै पानी त अपरिहार्य तत्व नै हो । नदीमा पानीसँगै ढुंगाहरू पनि हुनु सामान्य हो । तर यो दुनियाँमा एउटा यस्तो नदी छ, जुन पानी होइन केवल ढुंगाले बनेको छ ।
उक्त पत्थरको नदीमा असंख्य ढुंगाहरू छन् । ढुंगाका टुक्राहरू यसरी टाढासम्म फैलिएका छन् कि त्यो नदी जस्तै लाग्दछ । तर टाढाबाट हेर्दा बगेको नदीको बगर जस्तै देखिने त्यहाँ पानीको कुनै अंश छैन ।
यो रहस्यमय ढुंगे नदी रुसमा छ । वैज्ञानिकहरूका लागि यो अहिलेसम्म पनि रहस्यको विषय बनिरहेको छ ।
प्रकृतिको यो अद्भूत ठाउँलाई स्टोन रिभरको नामले चिनिन्छ । विशाल नदी सुकेर ढुगामात्र बाँकी रहेकोजस्तो देखिने त्यस क्षेत्रमा ६ किलोमिटरसम्म ढुंगै ढुंगा थुप्रिएका छन् ।
ढुंगेनदी २० मिटरदेखि ७ सय मिटरसम्म चौडा रहेको छ । ढुंगाको आकार स–सानादेखि १० टनसम्मका रहेका छन् ।
त्यस ठाउँमा त्यतिधेरै ढुंगाहरू कहाँबाट आएर थुप्रिएका होलान् र कसरी त्यसले एउटा नदीको धारजस्तै स्वरूप लिए होला ? यो प्रश्नको जवाफ अहिलेसम्म भेटिएको छैन ।
कतिपय वैज्ञानिकहरूले चाहिँ १० हजार वर्ष पहिले हिमनदी विस्फोट भएर बगेको पानीले ढुंगाहरू त्यसरी थुपारेको हुनसक्ने विश्वास गर्दछन् ।
एजेन्सीको सहयोगमा
