२३ फागुन, कैलाली । कैलालीमा लागूऔषध ब्राउन सुगरसहित एक जना पक्राउ परेका छन् ।
पक्राउ पर्नेमा २६ वर्षीय निमेश थापा रहेका छन् । थापालाई धनगढी उपमहानगरपालिका-१ स्थित वनदेवी मन्दिर नजिकबाट पक्राउ गरेको प्रहरीले जनाएको छ ।
कृषि हाटबजारभित्र लागूऔषधको कारोबार भई रहेको भन्ने सूचनाको आधारमा प्रहरीले थापालाई पक्राउ गरेको जनाएको छ ।
थापाको साथबाट १ ग्राम १२० मिलिग्राम ब्राउन सुगर बरामद भएको कैलालीका प्रहरी नायव उपरीक्षक दक्षकुमार बस्नेतले जानकारी दिए ।
थापालाई नियन्त्रणमा लिएर थप अनुसन्धान भइरहेको प्रहरीले जनाएको छ ।