काठमाडौं । इंग्ल्यान्डमा सन् २०२१ मा आयोजना हुने युरोपियन वुमन्स च्याम्पियनसिप फुटबल पनि एक वर्षपछि सरेको छ ।
अहिले विश्वभर फैलिरहेको कोरोना भाइरसको महामारीको कारण यसै वर्ष तय भएको टोकियो ओलम्पिक र युरोकप २०२० एक वर्षपछि सरेको छ ।
त्यसै कारण २०२१ मा तय भएको महिला युरोकप पनि एक वर्षपछि सरेको हो । महिला युरोकप अब सन २०२२ मा आयोजना हुने बीबीसीले जनाएको छ । युरोपका तीन टिम इंग्ल्याण्ड, नेदरल्याण्ड्स र स्वीडेन ओलम्पिकका लागि छनोट भइसकेका छन् ।
युरोपियन फुटबलको सर्वोच्च संस्था युइएफले बुधबार आफ्नो ५५ सदस्य राष्ट्रसँगको ऐडियो कन्फ्रेन्सका विभिन्न निर्णय गरेको थियो । तर वुमन्स युरो २०२१ बाट २०२२ मा सार्ने बारे केही भनेको छैन ।
तर डेनिस फुटबल एसोसियसनले आफ्नो वेबसाइटले वुमन्स युरोकप सार्ने बारे कुरा भएको जनाएको छ ।