२१ चैत, विराटनगर । १ नम्बर प्रदेश सरकारले कोरोना संक्रमितको उपचारका लागि विराटनगरमा छुट्टै अस्पताल तयार गरेको छ। नेशनल ट्रेनिङ खाली रहेको भवनमा ५० शैय्याको कोरोना अस्पताल तयार गरी सञ्चालनमा ल्याएको हो ।
अस्पतालमा १० भेण्टिलेटर राखिएको प्रदेश १ का सामाजिक विकास मन्त्री जीवन घिमिरले जानकारी दिए ।
प्रदेश सरकारले चैत ७ गते एक साताभित्र अस्पताल निर्माण गर्ने निर्णय गरेको थियो । तोकिएको समयभन्दा केही दिन ढिलो तयार भएको मुख्यमन्त्री शेरधन राईले बताए ।
मुख्यमन्त्री राईका अनुसार अस्पतालको सम्पूर्ण व्यवस्थापन कोशी अस्पताल विराटनगरले हेर्नेछ । अस्पतालको नाम पनि कोशी अस्पताल नै राखिएको छ ।
तत्काल ५० वेड राखिएको अस्पतालमा अवस्था अनुसार थप २० वटा बेड राख्न सकिने बताइएको छ ।
