२८ चैत, काठमाडौं । टीटीआई इलेक्ट्रोनिक्स नेपाल प्रालिले एक सय ५० घरपरिवारका लागि राहत वितरण गरेको छ ।
लकडाउनका बेला प्रभावित परिवारलाई लक्षित गरेर काठमाडौं महानगरपालिका ४ नम्बर वडा कार्यालयमार्फत राहत वितरण गरिएको टीटीआई नेपालका महाप्रबन्धक नवीन पाण्डेले जानकारी दिए ।
चामल, दाल, तेल, तरकारी, चिउरा, साबुन वितरण गरिएको वडाध्यक्ष मोहन विष्टले जानकारी दिए । उनका अनुसार वडा कार्यालयमार्फत अहिलेसम्म एक हजार ३९१ घरपरिवारलाई राहत उपलब्ध गराइएको छ ।
थप केही परिवारलाई राहतको खाँचो देखिएको वडाध्यक्ष विष्ट बताउँछन् । ‘राहत दिनुपर्ने परिवार संख्या धेरै भएकाले यस्तै सहयोगी हातहरूको खाँचो छ’ विष्ट भन्छन् ।
