३० चैत, काठमाडौं । मुलुककै जेठो वीर अस्पतालले कोरोना भाइरस (कोभिड-१९)को उपचारका लागि तयारी पुरा गरेको छ ।
अस्पतालमा शनिबार मात्र कोरोना परीक्षण सुरु गरिएको थियो । अब आइसोलेसन वार्ड पनि तयार भएको छ ।
बन्यो स्यानिटाइजिङ गेट
स्वास्थ्यकर्मी तथा अस्पताल आउजाउ गर्ने सेवाग्राहीलाई संक्रमण नहोस् भनेर अटोमेटिक स्यानिटाइजिङ गेट बनाइएको छ । मारवाडी युवा मञ्चले मञ्चले स्यानिटाइजिङ गेट बनाइएको अस्पतालका निर्देशक डा. केदार सेञ्चुरीले जानकारी दिए ।
उनले भने, ‘बक्सको माथि स्यानिटाइजर हालिएको हुन्छ । २० सेकेण्ड जति बस्दा त्यहाँ बाफ आउने र स्यानिटाइजर छर्किने काम हुन्छ, जसको कारण किटाणु रहिरहन सक्दैन ।’
मञ्चले यसअघि शुक्रराज ट्रपिकल तथा सरुवारोग अस्पताल पनि स्यानिटाइजिङ गेट बनाइदिएको थियो ।
