३० चैत, जनकपुरधाम । बारुद भरिएको भरुवा बन्दुकसहित धनुषाको मिथिला नगरपालिका ४ स्थित पुष्पलपुरबाट आइतबार दुई जना पक्राउ परेका छन् ।
ज.१२ प १११५ नम्बरको पल्सर मोटरसाइकलमा सवार उनीहरुलाई एक थान भरुवा बन्दुकसहित पक्राउ गरिएको धनुषा प्रहरीले जनाएको छ ।
पक्राउ पर्नेमा मिथिला नगरपालिका ४ बस्ने २६ वर्षीय सरोजकुमार महतो र ४४ वर्षीय राजकुमार लामा छन् । दुवैलाई नियन्त्रणमा लिई जिल्ला प्रहरी कार्यालय धनुषामा राखिएको छ ।
धनुषा प्रहरीका प्रबक्ता एवं डीएसपी रामेश्वर कार्कीले दुवैविरुद्व हातहतियार खरखजाना मुद्दामा धनुषा जिल्ला अदालतबाट म्याद थप गरी थप अनुसन्धान भइरहेको जानकारी दिए ।