६ वैशाख, काठमाडौं । कोरोना भाइरस महामारीले अहिले विश्वभर फुटबल गतिविधि स्थगित छ । अब कहिलेदेखि खेल सुरु हुन्छ भन्ने पनि अन्योल छ । अब फुटबल खेल सुरु हुँदा पक्कै क्लोज डोर वा दर्शकविना नै खेलहरु हुनेछ ।
स्पेनिस क्लब बार्सिलोनाले सिजनको बाँकी खेल क्लोज डोरमा भएमा वा रद्ध भए प्रतिखेल ३.३ मिलियन युरो घाटा ब्यहोर्नुपर्ने भएको छ ।
क्याटलान क्लबले आफ्नो घरेलु मैदान क्याम्पनोउमा खेल नहुँदा एउटा खेलको लागि टिकट बिक्रीबाट आम्दानी हुने ३.३ मिलियन युरो गुमाउन लागेको हो ।
सिजनको बाँकी खेललाई जोड्ने हो भने २० देखि २५ मिलियन गुमाउनेछ ।
आउँदो नोभेम्बरसम्म दर्शकविना नै खेल गर्नुपर्ने निश्चितजस्तै छ । यदि त्यसो भए बार्सिलोनाले ३० मिलियन युरो घाटा ब्यहोर्ने स्पेनिस अनलाइन सञ्चार माध्यम मार्काले जनाएको छ ।
प्रतिक्रिया 4