२०७७ वैशाख ११ गते २०:४० 
११ वैशाख काठमाडौं । जर्मन बुण्डेशलिगा फुटबल आगामी मे बाट पुन: सुरु गर्ने तयारी भएको छ । जर्मन फुटबल लिग डिएफएल ले बिहीबार शीर्ष दुई डिभिजन बुण्डेशलिगा र र बुण्डेशलिगा २ का क्लबहरुसँग भिडियो कन्फ्रेन्स गर्द मे ९ देखि लिग सुरु गर्न तयार रहेको जनाएको छ ।
विश्वभर महामारीको रुपमा फैलिएको कोरोना भाइरस अर्थात कोभिड-१९ को कारण अहिले युरोपियन फुटबल लिगहरु स्थगित छ ।
डीएफएलले बिहीबार ३६ क्लबहरुसंग छलफल गर्दै सरकारले अनुमति दिए ९ मे बाट लिग गर्ने जनाएको हो ।
डीएफएल सीईओ क्रिस्टियन सेइफर्टले आफूहरु बुण्डेशलिगा गर्न तयार रहेको तर सरकारले अनुमति दिनुपर्ने बताए । ‘बुण्डेशलिग शुरु गर्न तयार छौँ । चाहे मे ९ होस् वा त्यो भन्दा पछि । तर मितिबारे निर्णय हामीले गर्ने होइन । राजनीतिक तहबाट निर्णय हुनुपर्छ ।’ उनले भने ।
यसअघि बुण्डेशलिगा अप्रिल ३० सम्मको लागि स्थगित गरिएको छ । कोभिड १९ बाट धेरै प्रभावित हुने देशमा युरोपमा जर्मनी पनि पर्छ ।
बुण्डेशलिगा पुन: सुरु गर्दा दर्शक बिना नै गर्ने तयारी हुँदैछ ।
बुण्डेशलिगाको शीर्ष दुई डिभिजनमा १८-१८ क्लब छन् । बुण्डेशलिगामा धेरै जसो क्लबको ९ खेल बाँकी छ ।
लिग फेरि सुरु गर्नेको लागि डिएफएलले खेल तालिकाको ड्राफ्टसमेत पेश गरेको छ । जसमा जसमा म्याचडे २६ का खेलहरु मे ९-१० मा गर्ने र अन्तिम चरणको खेलहरु जुन अन्तिम साता गर्ने उल्लेख छ ।
प्रतिक्रिया 4