नायक पल शाहले लकडाउनको समयमा पनि सामाजिक कामलाई भने निरन्तरता दिइरहेका छन् ।
पलले लकडाउन भएको केही दिनमै चलचित्र प्राविधिकहरूका लागि करिब पाँच लाख रुपैयाँ बराबरको राहत सामग्री वितरण गरेका थिए । उनले, केही चरण लगाएर प्राविधिकलाई समेत राहत वितरण गरेका हुन् ।
चलचित्र क्षेत्रमा पलले नै पहिलो पटक यो कामलाई अगाडि बढाएका थिए । यसपछि, अन्य कलाकारहरूले पनि प्राविधिकहरूलाई सहयोग गरे । उनै, पलले सामाजिक कामलाई रोकेका भने छैनन् । केही समय अगाडि उनी एक बालआश्रम पुगेर बालबालिकालाई खाना खुवाएका थिए।
पलले, भक्तपुरको सानोठिमी चोक, भक्तपुर क्यान्सर अस्पताल र सूर्यविनायक चोकमा रहेका मानिसहरूलाई खाना खुवाएका छन् । मानव सेवा आश्रमसँग मिलेर उनले यो काम गरेका हुन् ।
चलचित्र क्षेत्रमा लागेसँगै पलले सामाजिक कामलाई पनि निरन्तरता दिइरहेका छन् । पलको यो कामको सबैतिरबाट प्रशंसा भइरहेको छ ।
