३१ वैशाख, जनकपुरधाम । बारा प्रहरीले १३ किलो ५ सय ग्राम गाँजासहित दुई जनालाई पक्राउ गरेको छ ।
निजगढ नगरपालिका १२ रामाथलीबाट पश्चिम पिलुवातर्फ जाँदै गरेको बा ३३ प ७८७७ नम्बरको मोटरसाइकल रोकेर चेकजाँच गर्ने क्रममा गाँजासहित दुई जनालाई नियन्त्रणमा लिइएको प्रदेश प्रहरी कार्यालय, जनकपुरधामले जनाएको छ ।
पक्राउ पर्नेमा निजगढ नगरपालिका १२ रामथलीकै २६ वर्षीय सागर लामा र मोटरसाइकलको पछाडि सवार सोही ठाउँका ४० वर्षीय कृष्ण लामा छन् ।
बोरामा राखेर लैजाँदै गरेको अवस्थामा दुवै जनालाई नियन्त्रणमा लिइएको प्रहरीको भनाइ छ ।
प्रदेश प्रहरी कार्यालयका प्रवक्ता एवं एसपी जयराज सापकोटाले दुवै जनालाई नियन्त्रणमा लिई लागूऔषध मुद्दामा बारा जिल्ला अदालतबाट पहिलो पटक ७ दिनको म्याद थप गरी अनुसन्धान थालिएको बताए ।
