४ जेठ, काठमाडौं । स्वास्थ्यमा समस्या देखिएपछि श्रम, रोजगार तथा सामाजिक सुरक्षामन्त्री रामेश्वर राय यादव अस्पताल भर्ना भएका छन् ।
बिहान छातीमा असामान्य दुखाइ भएपछि उनी बाँसबारीस्थित शहीद गंगालाल राष्ट्रिय हृदयरोग केन्द्रमा भर्ना भएका हुन् ।
बिहान ११ बजे अस्पतालमा पुगेका उनलाई चिकित्सकहरूले थप स्वास्थ्य जाँच गराएका छन् ।
पारिवारिक श्रोतका अनुसार उनको अवस्थामा सामान्य छ । एक महिनाअघि मात्रै उनको शरीरमा जनै खटिरा आएको थियो । सो समस्या हटेपछि पछिल्ला दिनमा उनी केही सक्रिय भएका थिए ।
