६ जेठ, काठमाडौं । ब्याट्सम्यान बाबर आजम पाकिस्तानको एकदिवसीय र टी २० टिमको कप्तान बनेका छन् ।
पाकिस्तान क्रिकेट बोर्डले आजमलाई दुई विधाकै खेलको कप्तान चयन गरेको हो । यस्तै टेष्ट कप्तानमा अजर अली तोकिएका छन् ।
बोर्डले २०२०-२१ का लागि सेन्ट्रल कन्ट्रयाक्टमा परेका १८ खेलाडीको नाम सार्वजनिक गर्दै कप्तान पनि चयन गरेको हो । यसअघिका कप्तान सर्फराज अहमदलाई हटाइएपछि आजमलाई नेतृत्व दिएको हो ।
पाकिस्तानी टिमका मुख्य प्रशिक्षक तथा मुख्य छनोटकर्तासमेत रहेबा मिस्वा उल हकले नयाँ कप्तान चयनबाट आफू खुशी रहेको बताएका छन् ।
सेन्ट्रल कन्ट्रयाक्टमा नसिम शाह र ईफ्तिकर अहमद पहिलो पटक परेका हुन् ।
