१४ जेठ, काठमाडौं । कोरोना भाइरस (कोभिड–१९) बाट सबैभन्दा प्रभावितमध्येको एक मुलुक स्पेनले १० दिने राष्ट्रिय शोक घोषणा गरेको छ । कोरोना भाइरसबाट मृत्यु भएका मानिसहरुको सम्झनामा स्पेनले राष्ट्रिय शोक घोषणा गरेको हो ।
सरकारले घोषणा गरेको राष्ट्रिय शोक बुधबारदेखि सुरु हुनेछ । अहिलेसम्म कोरोना भाइरसका कारण स्पेनमा २७ हजारभन्दा धेरैको मृत्यु भइसकेको छ ।
राष्ट्रिय शोक मनाउने क्रममा बुधबारदेखि स्पेनका सार्वजनिक भवनहरुमा राष्ट्रिय झण्डा आधा झुकाइनेछ । स्पेनको जलसेनाको पानीजहाजमा पनि आधा झण्डा झुकाइनेछ ।
यो राष्ट्रिय शोक जुन ५ मा सकिनेछ । राष्ट्रिय शोक सभामा स्पेनका राजा फेलिपे छैठौं पनि सहभागी हुनेछन् ।
स्रोत : अलजजिरा