+
+

कोरोना जाँच गर्न राखिएको मान्छेको रगत बाँदरले चोरेपछि…

अनलाइनखबर अनलाइनखबर
२०७७ जेठ १८ गते ६:३८

काठमाडौं । कोरोना भाइरसको परीक्षणका लागि संकलन गरिएको रगतको नमूना बाँदरले चोरेर लगेपछि भारतको एक मेडिकल कलेजमा तहल्का मच्चिएको छ ।

उत्तर प्रदेशस्थित मीरुट सहरमा रहेको मीरुट मेडिकल कलेजमा बाँदरको एक झुण्ड छिरेर प्रयोगशालामा नमूना परीक्षणका लागि राखिएको कोरोना भाइरस संक्रमितको रगतका नमूना चोरेर भागेको हो ।

समाचार अनुसार तीनजना कोभिड विरामीको रगतको नमूना राखिएका टेष्टट्युबहरु बाँदरले चोरेको हो ।

बाँदरले कोरोना परीक्षणका लागि राखिएको रगत चोरी गरेर लगेको भिडियो नै सामाजिक सञ्जालमा अपलोड गरिएको छ । त्यसमा बाँदरले अस्पताल परिसरमा रहेको एउटा रुखको टुप्पामा बसेर आफूले चोरेर लगेको रगतको नमूनाको टेष्टट्युब तथा सर्जिकल पञ्जाहरु समेत चपाउन लागेको देखिन्छ ।

https://www.facebook.com/hindustantimes/videos/258615791919040/

उत्तर प्रदेशको सबैभन्दा ठूलो अस्पतालको रुपमा रहेको उक्त शिक्षण अस्पताल सो प्रान्तको कोरोना परीक्षण तथा उपचारको केन्द्रीय प्रयोगशाला तथा अस्पताल पनि हो ।

अस्पतालका अनुसार बाँदरले चोरी गरेको नमूना कोरोना विरामीको स्वाब नभई नियमित रुपमा परीक्षणका लागि लिइएको रगत हो । नमूना रगत बाँदरले चोरी गरेका तिनैजना विरामीहरु सोही अस्पतालमा उपचाररत छन् ।

बाँदरले चोरी गरेको रगत कोभिड–१९ विरामीको रगत भएकोले बाँदरका कारण कोरोना भाइरस फैलिने जोखिम बढेको कतिपयले बताइरहँदा अस्पतालले भने रगतको नमूनाबाट कोरोना भाइरस सर्ने जोखिम नरहेको दाबी गरेको छ ।

–एजेन्सी

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?