२०७७ जेठ १८ गते १९:११ 
१८ जेठ काठमाडौं । फ्रेन्च च्याम्पियन पेरिस सेन्ट जर्मेन (पीएसजीले) माउरो इकार्डीसँग स्थायी सम्झौता गरेको छ ।
२०१९-२० को सिजन इटालियन क्लब इन्टरबाट लोनमा फ्रानस गएर खेलेका स्ट्राइकर इकार्डीसँग पीएसजीले चार वर्षका लागि सम्झौता गरेको हो ।
बेलायती अनलाइन डेली मेलका अनुसार पीएसजीले इकारडीका लागि ५२ मिलियन पाउण्ड खर्च गरेको छ ।
अब उनी ३० जुन २०२४ सम्म पीएसजीमा रहनेछन् । २७ वर्षीय अर्जेन्टाइन इकार्डीले राष्ट्रिय टिमका लागि ८ खेल खेलेका छन् । उनीसँग इटालियन पासपोर्टसमेत छ ।
रोसारियोमा जन्मेका इकार्डी पीएजीमा खेल्ने १६औं अर्जेन्टाइन खेलाडीसमेत हुन् । उनले २०१९-२० सिजनमा पीएसजीका लागि ३१ खेल खेल्दै २० गोल गरेका थिए । पहिलो सिजनमै उनले लिग वानको उपाधिसमेत जिते ।
कोरोनाभाइरस महामारीका कारण लिग वान रद्द गरिएपछि मार्सेलाई १२ अंकले पछि पार्दै शीर्ष स्थानमा रहेको पीएसजीलाई नै विजेता घोषणा गरिएको हो ।
इकार्डीको बहिगर्मनबारे इटालियन क्लबले विज्ञप्ति जारी गर्दै ६ सिजन क्लबमा बिताएको धन्यवाद दिएको छ ।
प्रतिक्रिया 4