+
+
WC Series
Won सुदूरपश्चिम रोएल्स 2025
148/4 (17.3)
VS
Sudurpaschim won by 6 wickets
जनकपुर बोल्ट्स 2025
145/8 (20)
Shares

असार र मेरो माया [गजल] 

देबेन्द्र बागलुङे कान्छा देबेन्द्र बागलुङे कान्छा
२०७७ असार २३ गते १२:५८

यतिबेला मेरो माया कहाँ के-के गर्दै होला
छुपु-छुपु धान रोप्दै पछि-पछि सर्दै होला ।

घुम ओढी हिँड्दै छ कि आलीमाथि लखुर-लुखुर
घरमै बसी रुमालमा या त बुट्टा भर्दै होला।

टुक्रुक्क बसी डिलमा अर्नी खाँदै छ कि कतै
बिउ बोकी डोकोभरि बेसीतिर झर्दै होला ।

खा’को छ कि भोकभोकै मेलापात धा’को छ खै
दुब्लाएर पटुकी’नि तल तल सर्दै होला ।

मानो रोपी मुरी फल्ने त्यही मुरीले जुनी चल्ने
खसमैको बाटो हेरी आँखा त्यतै छर्दै होला ।

वन जस्तै मन पनि खान्छ कि त सलहले
त्यै सलह धपाउँदै साँघु उसले तर्दै होला ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?