१३ साउन, बुटवल । पाल्पाको रामपुरमा काजकिरिया सकिने दिन पकाएको पितृ भोजको खीर खाँदा २८ जना बिरामी परेका छन् । रामपुर नगरपालिका–७ मोहतीमा पाउडर दूधमा पकाएको खीर खाँदा २८ जना बिरामी परेका हुन् ।
बिरामीमध्ये १३ जनाको अवस्था गम्भीर रहेको र उनीहरुलई थप उपचारका लागि लुम्बिनी मेडिकल कलेजमा पठाइएको नगरपालिकाका स्वास्थ्य शाखा प्रमुख तीर्थ ढुंगानाले बताए । सबै बिरामीको अवस्था खतरामुक्त रहेको उनले बताए ।
आइतबार खीर खाएका उनीहरूलाई सोमबार सामान्य पेट दुखेको थियो । मंगलबार बिहानैदेखि पखाला लाग्ने, वाकवाकी लाग्ने र ज्वरोसमेत आउन थालेपछि रामपुर अस्पतालमा उपचारको लागि भर्ना गरिएको हो ।
स्थानीय मानबहादुर विकको काजकिरियाको अन्तिम दिन आयोजना गरिएको पितृभोजमा पाउडर दूधमा खीर पकाइएको थियो ।
बिरामी हुनेहरुमा २० जना महिला, ३ जना बालबालिका र ५ जना पुरुष छन् । उनीहरूलाई ‘फुड पोइजन’ भएको हुनसक्ने स्वास्थ्य शाखा प्रमुख ढुंगानाले बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4