बीपी प्रतिष्ठान आएका बिरामीलाई नफर्काउन मुख्यमन्त्रीको निर्देशन

९ भदौ, विराटनगर । प्रदेश १ का मुख्यमन्त्री शेरधन राईले बीपी कोइराला स्वास्थ्य विज्ञान प्रतिष्ठान धरानका पदाधिकारीलाई बोलाएर उपचारका लागि आएका बिरामीलाई नफर्काउन निर्देशन दिएका छन् ।

मंगलबार वीपीका उपकुलपति ज्ञानेन्द्र गिरी, रेक्टर गुरु खनाल र रजिष्टार मोहन रेग्मीलाई आफ्नो कार्यकक्षमा बोलाएर मुख्यमन्त्री राईले प्रतिष्ठानले बिरामी फर्काउन थालेको गुनासो आएको बताए ।

उनले प्रतिष्ठानमा ५०० क्षमताको आइसोलेशन बनाएर लेभल थ्रीको कोभिड अस्पताल चलाउन र नियमित सेवा पनि दिन निर्देशन दिएका छन् ।