गायक शंकर थापा र गायिका दीपा लामाको स्वरमा समावेश ‘सार्टनैको चोली’ बोलको गीतको भिडियो सार्वजनिक भएको छ । यो गीतमा शंकरको संगीत छ भने अम्बिका गुरुङको शब्द छ । गीतकार गुरुङले कोरेका धेरै गीतहरुले नेपाली सांगीतिक क्षेत्रमा चर्चा कमाएका छन् ।
यो गीतको भिडियोमा कार्टुन क्रुजका सरोज अधिकारी र आश्मा विश्वकर्मालाई देख्न सकिन्छ । सुव्रतराज आचार्यको निर्देशनमा बनेको भिडियोमा गम्भिर बिष्टको कोरियोग्राफी छ ।
गायक थापाले आफ्ना अघिल्ला गीत जस्तै यो गीतलाई पनि दर्शकले मन पराउने विश्वास व्यक्त गरे । नवराज उप्रेतीको छायांकन रहेको भिडियोमा नविन निरौलाको सम्पादन छ ।
