१९ भदौ, रौतहट । रौतहटमा अवैधरुपमा नदीजन्य पदार्थको उत्खनन गरी ओसारपसारमा प्रयोग भएका १४ वटा टिपरहरु सशस्त्रले नियन्त्रणमा लिएको छ ।
रौतहटको वाग्मती नदीबाट उत्खनन गरिएको गिट्टी बालुवा जिल्लाको विभिन्न भागमा ढुवानी भइरहेको अवस्थामा सशस्त्र प्रहरी बल सन्तपुरले टिपर नियन्त्रणमा लिएर जिल्ला समन्वय समितिलाई बुझाएको हो ।
नदी उत्खननको ठेक्का बन्द रहेको अवस्थामा अवैध तरिकाले निकालिएको नदीजन्य पदार्थहरु नियन्त्रणमा लिएको सशस्त्र प्रहरी ११ नं. गण रौतहटले जनाएको छ ।
आर्थिक वर्ष सकिएसँगै तीन महिनका लागि नदीजन्य पदार्थको निकासीको इजाजत बन्द भएको हुन्छ ।
नदीबाट अवैध किसिमले ढुङ्गा गिट्टी निकालेर व्यवसायिक प्रयोजनको लागि लैजादै गरेकोले पक्राउ परेका सवारी साधनहरुलाई कारबाही गरिने जिल्ला समन्वय समितिका लेखापाल देवकुमार यादवले बताए ।
नियन्त्रणमा लिएका सवारी साधनमा लोड गरिएको सामान जफत गरेर सवारी साधनलाई नियमानुसान कारबाही गरिने उनको भनाइ छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4