१६ असोज, काठमाडौं । अपहरण तथा शरीर बन्धक मुद्दाका फरार एक प्रतिवादीलाई पर्सा प्रहरीले पक्राउ गरेको छ ।
पक्राउ पर्नेमा वीरगञ्ज महानगरपालिका-२९ का ४० वर्षीय रामबाबु महतो रहेका छन् । पर्सा जिल्ला अदालतले अपहरण तथा शरीर बन्धक मुद्दामा ०७३ साल माघ १३ गते ८ वर्ष कैद र र ६० हजार जरीवानाको फैसला सुनाएको थियो ।
गाउँमै लुकिछिपी बसेको अवस्थामा श्रीपुरबाट खटिएको प्रहरीको टोलीले उनलाई बिहीबार पक्राउ गरेको हो । पक्राउ परेका महत्तोलाई आवश्यक अनुसन्धान र कारबाहीका लागि म्याद थप गर्न शुक्रबार जिल्ला अदालत पर्सामा पेश गरिएको प्रहरीले जनाएको छ ।