अनमोलको संकेत कतातिर ?

नायक अनमोल केसीलाई मन पराउने फ्यानको संख्या राम्रो छ । अनमोललाई आफ्नो आइडल मान्नेहरु पनि धेरै छन् ।

अनमोल केसीको चलचित्र हेर्न पहिलो शोमै हल पुग्ने दर्शकको संख्या पनि कम छैन । तर, अनमोल केसीलाई नरुचाउने, उनको आलोचना गर्नेहरुको संख्या पनि कम छैन ।

अनमोललाई चलचित्र ‘कृ’मा काम गरेपछि रुचाउने दर्शकको संख्या बढेको भने छ । तर, पनि अनमोललाई अभिनय गर्न नजान्ने नायक भनेर आलोचना गर्नेहरु उत्तिकै छन् । तर, आलोचनालाई सामान्य रुपमा लिने अनमोल आफ्नो काममा भने निरन्तर लागिरहेका छन् ।

उनै, अनमोलले सामाजिक संजालमा आफूलाई घृणा गरेपनि, आफ्नो स्तरको मापन गरेपनि, आफ्नो इष्र्या गरेपनि मुख्य कुरा तिमी म होइनौं भनेर उल्लेख गरेका छन् ।

अनमोलको यो स्टाटस केही आक्रोशपूर्ण देखिन्छ । उनले, आफूलाई जुनसुकै तरिकाले मुल्यांकन गरेपनि खासै फरक नपर्ने आशय व्यक्त गरेका छन् ।